Voter ID card Me Name, Address Online Change/Correct Kare

Hello, Reader kayi logo ke sath ye problem ho jati hai ki unka jo voting card hai uspar name, address ke spelling me ya pura name address hi galat aa jata hai. Tabhi hum sochate hai ki isko change ya update kaise kiya jaye. To aaj hum yahi dekhenge ki “how to change, correct name, address in voting card?”

Ye kam hum apne ghar baithe kar sakate hai uske liye sirf aapko niche di gayi step ko follow karana hoga.

Online hum kya kya change kar sakate hai?

Name

Date of birth

Father’s/Mother’s/Husband’s Name

Address

Photo

Email Id,

Mobile Number

Name, Address, Date of Birth Kaise Change Kare:

Step 1:

http://www.nvsp.in Yaha se National Voter’s Services portal par chale jaye.

Step 2:

Niche correction of entries in electoral roll par click kare.

Step 3:

Ab aapko waha par 5 forms dikhayi denge.

i) Form 6: Agar aap new voting card banawana chahate hai to aapko ye form fill karana hoga.

ii) Form 6A: Kisi parvasi ka naam voting list me shamil karane ke liye ye form

iii) Form 7: Agar aapko koi objection ho ya list me se naam hatana hai to ye form fill karana hai.

iv) Form 8: Name, address, DOB, ya kisi bhi information ko change karane ke liye ye form fill karna hai.

v) Form 8A: List se name ko transfer (Transposition) Karane ke liye.

Step 4:

Isme se hume form 8 ko select karana hai.

Step 5:

Form 8 thik se fill kare form 8 fill karate waqt aapka purana voting card aapke pass hona jaruri hai. Form 8 fill karane ke liye aapko niche di gayi information ki jarurat padegi.

Part Number of Electoral Roll: (voting list hai usme part number hota hai)

Part number aapko purane voting card par piche ki taraf dikhayi dega.

Serial Number In the Part: (Us Bhag me Serial Number hota hai)

Serial number bhi aapko aapke voting card ke piche ki taraf mil jayega.

Agar aapke pass purana voting card nahi hai to aap apni details online yaha se check kar sakate hai aur waha pe aapko part, serial number mil jayega.

Step 6:

Form 8 ko thik se fill karane ke bad aapko uske sath kuch document bhi upload karane hai aur wo document hai.

1. Your Photograph: Aapka photo

2. Identity Proof: Iske liye aap apna Aadhaar card de sakate hai.

3. Address Proof: Iske liye aap electricity bill, phone bill, ration card inme se ek ki copy upload kar sakate hai.

Form 8 ko thik se fill karake ek baar dobara se sabhi Jankari read kare aur submit kar de.

Ab aapki correction request successfully submit ho gayi hai. Aap apni request ko online bhi track kar sakate hai.

Note: Agar aap kuch galat information upload karate hai to ye ek prakar ka crime hai aap ye tip site par bhi niche read kar sakate hai.

Some FAQ’S:

1. Kya correction sirf online kar sakate hai?

- nahi, aap chaho to correction offline bhi karawa sakate hai iske liye aapko aapke nazdiki boot level office me jakar karawa sakate hai.

2. Correction ke bad new voting card kaha milega?

- Correction request send karane ke bad 25-30 ke bad aapko apne nazdiki election office me jakar aapko apna voting card lena hgoa.

Iske alawa koi sawal ho to comment me humse puch sakate hai.